مافيا .. ضيف شرف ( شيرنج كود ) .. فى دعوات العرب

[Neo]

السلام عليكم ورحمه الله

اولا احقاقا للحق ( شكرا لفاروق Faroukcmd ) لانه صاحب الفكره دى ...
( وشكرا لروبيل MadMan ) لطرحه توبيك شرح الفكره لجميع اليوزر

يسعدنى انى اكون معاكم ف السلسله دى كحوارى ( وان شاء الله نقدم حوار حلو ) مع جميع ضيوفنا

ويسعدنى يكون معانا اول ضيف شرف ف السلسله دى ...

هو سيسوب ف تراكر كبير .... لقبه هناك قـــرصان التراكر

تراكر كانت بدايته ف عام 2006 ... ابتدى كمنتدى وبعد كده بقى تراكر

وبقى اهم تراكر عربى فيه كل حاجه تخص الانمى سواء حصريه جدا او نادره جدا جدا جدا

تراكر مكانش سهل تجيب عضويه فيه ولو قولت لاى حد عايز تراكر عربى انمى هيقولك ............... شيرنج كود





يسعدنى انى ابدأ السلسله دى بتراكر كبير زى شيرنج كود ,,, واهلا بيك مافيا معانا ف الحوار ده

وبما ان التوبيك بدايته هى اننا نتعرف عليك ونعرف خبايا الشيرنج كود من بداياته لغايه دلوقتى

- عايزين نعرف اسمك وسنك ومنين ؟؟
- منين جاتلكو فكره عمل تراكر عربى للانمى وازاى طورتوها لغايه ما خليتوه اقوى تراكر عربى للانمى ؟؟
- وهل اللى انا قولته فوق صح ولا لا ؟

دى بدايات عشان نبتدى الحوار بجد ... واارجو من الاعضاء محدش يوجه اى اسئله غير لما اقول عشان نحافظ ع الشكل العام

[MAFIA-SC]

السلام عليكم ورحمة الله

يشرفني أني اكون اول الضيوف بينكم وشكراً لكم لتاحت هذه الفرصه الطيبه وان شاء الله اكون عند حسن ضنكم يارب

اسمي : عبدالله :)

سني : 33 سنه

من السعودية

هناك غلطه بسيطه بالي قلته اخوي الشيرينج كود مابداء منتدى بداء تراكر مباشره وبشرحلك ان شاء الله الان

طبعاً بداية فريق ال AGT كان في برنامج اسمه

++DC

وهو معروف عند مستخدمين الانترنت القداما والي يتعاملون في ملفات الشير وقتها بدات تطلع التراكرات العربية اخونا الاداري Punisher كان عنده موقع لي الستلايتات والقنوات الفضائيه وهو الي انت حط صورته الان ولكن الموقع لم ينجح فقترح تحويله الا تراكر عربي وذالك لنه الدومين متوفر والاسم مناسب عشان يكون تراكر

زي ماقلت اخوي في سنة 2006 بداء العمل في موقع الشيرينج كود وكان وقتها مافيه الا عدد قليل من المدبلجين القداما والي انتقلوا من DC الا تراكر الشيرينج كود وكان بينهم Tantal و Shane54 و Gmail وأخرون لايحضرني أسمائهم الان

هناك تراكرات فتحت بنفس الوقت لكن قفلت بسبب عدم توفر السيد بنتظام وخلافه من المشاكل الي تواجه اي موقع عند بداياته لكن بفضل الله الشيرينج كود استمر وتوجه له محبين الانمي والكرتون القديم وتعاونوا بتوفير الاصوات والخام

والان ماشاء الله يضم عدد كبير من المدبلجين الماهرين

[Neo]

تمام جدا .. وتشرفنا يا عبدالله والعمر كله ليك. وتمام ع التعديل ممكن تكون غلطه منى
وطبعا شيرنج كود دلوقتى محدش يقدر يقول عليه نص كلمه خصوصا ان اى ملفات مهما كانت قديمه السيد موجود

طيب نيجى لموضوعنا

- الدبلجه مش كتير كانو يعرفو يظبطو دبلجه مع فيلم ويطلعوه مفيهوش غلطه .... ولغايه دلوقتى فيه ناس مبتعرفش تدبلج افلام تقولهم ايه ؟ او تنصحهم بايه ؟
- مستخدم التورنت العربى .. للاسف لغايه دلوقتى مش كتير عنده ثقافه السيد او ثقافه التورنت عموما .. انت من تعاملك بالتورنت العربى ايه رأيك فيه ؟
- ايه اللى ناقص التورنت العربى او المستخدم العربى عشان يقدر يفهم يعنى ايه مشاركه يعنى ايه زى ما استفدت من ملف اكيد غيرى عايز يستفاد منه ؟
- ايه اكتر مشاكل واجهتكو ف الشيرنج كود ف البدايات .. واللى مكنتوش عارفين انكو ممكن تقابلوها .. واستطاعتو تتغلبو عليها ؟

[MAFIA-SC]

- بنسبة لدبلجه انا لما أبتديت فكرت مثل ماتفضلت وقلت انها صعبه بس لما تقرا الشروحات وتطبقها تجد العمليه سهله معك أول حلقه تشتغل عليها اكيد بتكون بطيئ او تاخذ معك وقت طويل بس مع مرور الوقت بتلاقي نفسك تخلص الحلقه الواحد في ساعة زمن بس هذا اذا العمل مافيه تقطيع وتحريف كثير

والشرحات متوفره في منتدى الشيرينج كود بأكثر من شكل واكثر من برنامج لدبلجه واي شخص يقدر يتعلم من الشرحات الموجوده بكل سهوله ويسر

- فعلاً للاسف حنا للحين السيد عندنا لايقارن بالسيد بالملفات الأجنبيه تجد الملف الأجنبي مرفوع من 2008 وفي موقع مجاني وانت في سنة 2011 وفيه سيد خلاف كبير بينا وبينهم فبعض المستخدمين الله يهديهم ولا اقول الكل يحمل واذا خلص يغلق السيد دام الريشيو سليم عنده ومافيه مشاكل تصادفه تسببله انذار ولكن من سنه لسنه مفهوم العرب يتحسن من هناحيه ولله الحمد

- الي ينقصنا حب التعاون والمشاركه بينا وبين بعض لو كل مستخدم حمل وقال ابي غيري يشوف الي انا شفته تلاقي كل الملفات فيها سيد لو الملف فيه 100 واحد وكل واحد فيهم خلا الابلود بس 5 كيلو ماتضر سرعة الانترنت عنده بس تفيد غيره

- بصرحه المشاكل الي واجهتنا هي السيد وقدرنا نتغلب عليها بطريقة الجبار للاسف وماكنا نبي نسوي الطريقه هذي حطينا قانون ال 72 ساعه اي عضو يحمل لازم يخلي السيد 72 ساعه ولا يجيه انذار بس مع مرور الوقت المستخدم لاحظ ان الابلود مايضره بشي بالعكس يرفع نسبته ويخليه يقدر يحمل اكثر بالمستقبل وشلنا هذا القانون نهائي

مشاكل ماكنا عارفين اننا بنقابلها سواء الضن بالموقع ونقل الأعمال للاسف فيه ناس جاهم باند بسبب تكرر العضويات وخلافه وقال عن الشيرينج كلام ما ينقال لكن حنا متفهمين جداً ونعطي بدال الفرصه اكثر من فرصه واتمنى من كل العرب انهم يفهمون وجهة نظرنا حتى من ناحية نقل العمال حنا مانمنع النقل لا والف لا اصلاً العمل رفع عشان الكل يشوفه لكن نطلب فقط انه يستأذن وليس من الاداره من الرافع الاصلي تقدير لجهوده لتوفير هذا الكرتون سواء قديم او جديد

[Neo]

- تفتكر بعد قد ايه او امتى نقدر نقول المستخدم العربى بقى متفهم يعنى ايه مشاركه ؟

- طيب مافيا او عبدالله ف بداياتك وبدايه تعاملك مع التورنت طبعا مش كل واحد فينا بيبقى مخلوق عارف كل حاجه .. انت كواحد مستخدم للتورنت العربى .. ايه المشاكل اللى واجهتك او كنت ف الاول فاكرها مشاكل لكن اما اتعاملت مع التورنت اكتشفت عكس كده ( كمستخدم وليس كادارى او مسئول عن تراكر ) ؟

- التراكرات الاجنبيه ونظرتها للتورنت العربى او المستخدم العربى ... طبعا فيه دول معملوها بان من التراكرات الاجنبى بسبب الغش والسيلرز والتريدرز .. وطبعا بما ان مش الكل كده بس اللى اتظلمو المستخدم اللى يهمه التورنت نفسه كتسليه .. تفتكر امتى التراكرات دى ممكن تبص للمستخدم العربى انه مش غشاش مش سيلر مش تريدر ؟

- وده هيخلينى اسئلك ايه رأيك ف الناس اللى بتلجأ للغش لاى سبب م الاسباب ؟

[MAFIA-SC]

- مانقدر نقول قد ايه او الزمن المطلوب عشان نقول المستخدم العربي بيبداء يفهم يعني ايش مشاركه لما يبداء المستخدم العربي بأبقاء الملف يعمل حتى وهو في احسن اوضاعه من الريشيو وغيره نقدر نقول انه يفهم معنا مشاركه لما يطلب سيد لملف معين ويشغل الملف بدال الواحد مية واحد نقدر نقول المستخدم فهم يعني ايش كلمة مشاركة

- بصرحه التورنت اول ما استخدمته ماكان توجهني مشكله الا فتح البورت كنت احسبها مشكله دوليه هههههههههههه بس اتضح انها سهله بعد ماسويت اختبارات كثيره تقول جالس اخترع الذره ههههههههههههههه

على فكره للمعلوميه فتح البورت ضروري جداً لنك تصير تحمل من الي فاتح بورته والي مغلق بورته بس لما تكون انت مغلق البورت عندك تحمل بس من الي فاتح بورته يعني تكون السرعه اقل

- بنسبه لتراكرات الاجنبيه اشتركت بالكثير منها وماصدفني تراكر عملي بان لني داخل من دوله عربيه لكن كلامك صحيح من ناحية ان بعض المستخدمين العرب للاسف يعتقدون انهم يقدرون يتلاعبون بالابلود بدون محد ينتبه معنه النظام بالتراكرات يكشف اي تلاعب بالابلود بسهوله ويسر وبتبداء التراكرات الاجنبيه تنظر لنا بأيجابيه لما نوقف التلاعب بالابلود ونجعل السيد يعمل بالملفات اكثر فتره ممكن مثل غيرنا مايسوي حنا لازم نسوي عشان نبينلهم حسن التعاون عندنا

- الناس الي تلجأ للغش للاسف تغش نفسها اولاً وتغش غيرها وتسرق تعب الغير دون وجه حق. غيره يرفع ويتعب وهو بكل سهوله يبي يوصل للي وصله زميله بالتحايل ولا يعرف ان العمليه هذي زي ماهي سهله عليه سهله علينا كشفها ويشوه فيها سمعته وينحرم من الموقع عشان شي يقدر يسويه بدون الحاجه لتلاعب

[Neo]

كلامك مظبوط ومنطقى جدا
اما بخصوص البورت ف تقريبا مش انت لوحدك اللى كنت فاكر انها مشكله دوليه

نرجع لكلامنا ف الاول خالص

- سيسوب ف تراكر كبير معناه جهد مبذول لازم متابعه بغض النظر عن الاستف انه كل واحد بيقوم بدوره .. لكن ايه المشاكل اللى بتواجه مافيا كواحد صاحب تراكر او مسئول عن تراكر كامل من اول اليوزر فيه لغايه الادمنتسريتور او اى رتبه تحته ؟

- اكتر مشكله واجهتك انت من 2006 لغايه دلوقتى ؟؟ وهل قدرت تتغلب عليها ولا كل ما بتيجى عندها تقول لا مش عارف او تستعين بناس احسن ؟
- يومك ف الشيرنج كود بيبقى عامل ازاى ؟

- هل مافيا مطمن ع الشيرنج كود ف ظل الاستف اللى شغال معاه دلوقتى ؟

- مافيا كادارى بيتعامل ازاى مع الناس ف التراكر ؟

[Kaito Kid]

منور يا عبد الله بينا بجد انت والتراكر الشيرنج الى ليه معزه خاصه عندى

[MAFIA-SC]

- بصراحه ما اواجه أي مشكله لنه الاداره والستاف يعمل كفريق واحد ومكمل لبعضه ولله الحمد

- أكثر مشكله تكرار العضويات والنقل بدون أستأذان

- يومي زي أي عضو لكن اراقب الملفات الجديده والاعضاء والأستفسارات

- الحمدالله أكيد مطمن كل الأداريين مايقصرون

- اتعامل معهم زي أخواني

ملاحظه قد لاتمكن من الرد على اي سؤال الا غداً أن شاء الله لأنشغالي

[Neo]

اكيد واحنا مقدرين برضو انشغالك واللى وراك

بالتالى نيجى لاخر اسئله عندى عشان كمان ندى فرصه لكل الناس انها تسأل عن اى حاجه نفسها فيها

- طبعا 2011 خلصت خلاص ... ايه الايجابيات اللى التراكر شافها ف سنه 2011 وان شاء الله ف السنه الجديده هيزودها او هينميها اكتر ؟

- ايه السلبيات اللى قابلتكو ف التراكر وان شاء الله ف السنه الجديده ناويين تقضو عليها ؟ او تتجنبوها ؟

- ايه اخبار تراكر شيرنج كود سواء خطط مستقبليه او مشاريع ناويين تقدموها للاعضاء فى بدايه عام جديد ؟

وبكده اكون انا نهيت اسئلتى
وبكده كل اعضاء دعوات العرب ليهم الحق ف انهم يسألو ف اى حاجه نفسهم يسألو فيها
اى حد عنده انتقاد يقولو او رأى او اي حاجه
المهم يكون ف نطاق النقد البناء وفى حدود الاحترام