مونستر .. ضيف شرف ( عرب تورنت ) .. فى دعوات العرب

[Neo]

السلام عليكم ورحمه الله

اهلا بيكم ف تانى لقاء ف سلسله ضيف شرف دعوات العرب

لقاء النهارده يمكن متوقعتوش اصلا ان انا اللى اعمله ... بس هنشوف الحوار هيرسى ع ايه :d

يسعدنى يكون معانا تانى ضيف شرف ف السلسله دى ...

هو ادمنستريتور ف تراكر كبير .... لقبه هناك © Al-Comando ©

تراكر كانت بدايته ف عام 2006 ... ابتدى تراكر .. وحصلت مشاكل واتقفل واتفتح تانى بدومين جديد

تراكر بيضم ملفات مختلفه ومتنوعه ...سواء افلام نادره او حصريه عربيه .. افلام اجنبى حصريه مدبلجه .. مسلسلات .. مسرحيات .. وبرامج التليفزيونيه .. الخ

يمكن ف الاونه الاخيره تراجع عن مكانته .... ولكن هل هيفضل كده ولا هيرجع تانى قوى زى ماكان ؟

ده اللى هنعرفه من ضيفنا النهارده ...

ضيفنا النهارده هو .... مونستر ... ادمنستريتور تراكر ( عرب تورنت )

- ف بدايه الحوار يا مونستر تعرف الناس بيك مين انت وكام سنه ومنين ؟

- بدايات عرب تورنت كانت ازاى ؟ يمكن انا واحد من الناس اللى محضروش بداياته .. وغيرى كتير برضو عاوزين يعرفو مين هو عرب تورنت من البدايه لغايه دلوقتى ؟

- مونستر كمستخدم عربى للتورنت .. ايه المشاكل اللى صادفته ف بدايه تعامله مع التورنت ؟

- ايه اكتر حاجه كانت بالنسبالك بتبقى مشكله عويصه ف التورنت .. لكن لما اتعلمتها لاقيتها عكس ما انت كنت متخيلها اصلا ؟

- نيجى لمونستر الادارى ... ايه اكتر مشكله واجهتك خليتك تكره اليوم اللى دخلت فيه مجال التورنت ؟

- مونستر يمكن معروف شويه انه جد .. معندوش هزار ف القوانين بالذات ويمكن كلنا كده بس اللى الناس شايفاه انك اكتر واحد مبتهزرش كتير .... ايه اللى ممكن يخليك تقول الشخص ده يتبند بان نهائى لا نقاش فيه ؟

- ايه رأيك ف الشيتر ... ( الغش والغشاشين ) .. رأيك كمستخدم تورنت عادى .. ورأيك كادارى ؟

- وايه الرساله اللى ممكن توجهها للشخص اللى بيغش ؟

- كان ف حوارى مع مافيا الضيف اللى قبلك عن ثقافه التورنت عند العرب عموما ... ووصلنا ان فعلا لغايه دلوقتى اغلب العرب بيعانو من ضعف المامهم بحاجه اسمها مشاركه او ازاى نساعد بعض او نحب مساعده بعض .. انت ايه رأيك ؟

- مونستر معروف عنك انك بتحب جدا دبلجه الكارتون :d .... هل شايف ف عرب تورنت ان فيه حد ممكن ينافسك ف حوار الدبلجه ؟ ولا لسه مظهرش ؟

- تراكر عرب تورنت .. كان الاول اورج .Org .. وبعدين بقى .Net ايه اللى حصل خلى الدومين يتغير .. خصوصا ان التراكر اتقفل فتره مش قليله ؟ ( ده لو ينفع تقول يعنى ) ؟

- طبعا زى ما قولت ف المقدمه انه ف الاواخر اتراجع كتير عن مكانته وكانت حاجه ملحوظه .. تفتكر ايه الى ناقص عرب تورنت عشان يرجع يبقى فعلا عرب تورنت اللى الناس كلها عارفاه ؟

دى مؤقت هسيبك تجاوب ونرجع تانى نكمل حوارنا ;)

ارجو من الاعضاء محدش يوجه اى اسئله غير لما اقول عشان نحافظ ع الشكل العام

[Monster]

السلام عليكم

اولا: تحيا طيبة الى كل اعضاء دعوات العرب المبدعين والمتميزين فى اعمالهم فى نشر فكر وثقافة عالم التورنت سواء عربى او اجنبى

ثانيا: الاجابة على اسالة الاخ نيو

- ف بدايه الحوار يا مونستر تعرف الناس بيك مين انت وكام سنه ومنين ؟

الاسم: محمود
السن: 21
الجنسية: مصرى
الاقامة: القاهرة

- بدايات عرب تورنت كانت ازاى ؟ يمكن انا واحد من الناس اللى محضروش بداياته .. وغيرى كتير برضو عاوزين يعرفو مين هو عرب تورنت من البدايه لغايه دلوقتى ؟

بداية عرب تورنت كانت فى 2006 وتأسس تحت ابلودر محترفين فى جميع المجالات .. واشتهر منذ نشأتة عندما تميز برفع الافلام العربية الحديثة عندما كان وقتها نسخة الفيديو سى دى VCD
وتميز ايضا بالملفات الـT.V

- مونستر كمستخدم عربى للتورنت .. ايه المشاكل اللى صادفته ف بدايه تعامله مع التورنت ؟

اكتر المضايقات اللى صدفتنى فى بدايتى بالتورنت هو عمل ابلود للملفات التى احملها .. لان وقتها كان الانترنت فى مصر بطىء جدا فاكنت اجبر على ترك الجهاز لأيام حتى اوصل للرايشو المطلوب للملف

- ايه اكتر حاجه كانت بالنسبالك بتبقى مشكله عويصه ف التورنت .. لكن لما اتعلمتها لاقيتها عكس ما انت كنت متخيلها اصلا ؟

هى مش مشكلة هو موقف طريف جدا .. فى اول معرفتى بالتورنت كنت ابحث عن فيلم فى جوجل وظهرلى لينكات ودخلت على لينك لتراكر اجنبى به الفيلم وبعدها رأيت الموضوع وعندما شاهدت كلمة DownLoad ضغط عليها لكى احمل الفيلم .. التحميل لم يستغرق الا دقيقة فتعجبت طبعا كان ساعتها النت بطىء فى مصر والافلام بتنزل فى ساعات او ايام .. المهم وذهبت لمكان التحميل فى الجهاز لقيتوا حجمه 50 كيلو بايت فااستغربت اكثر .. قولت يمكن دة نظام ضغط ملفات جديد ولكن عرفت بعدها ان دة ملف تورنت ومحتاج برنامج معين يقبل هذه الملفات لكى تحمل .. وكل لما اتذكر الموقف دة اموت من الضحك

- نيجى لمونستر الادارى ... ايه اكتر مشكله واجهتك خليتك تكره اليوم اللى دخلت فيه مجال التورنت ؟

اصعب موقف لى كان من حوالى 3 سنين عندما قفل التراكر لمدة شهرين وتغيرت الاستضافة وتغير االدومين ومسحت جميع الملفات واليوزرات
ودة كان بسبب شريك فى التراكر الله يسمحوا لانوا ضيع مجهود ناس كتير اوى وخسرنا كتير اوى لان فية تراكات اخرى اشتهرت على قفلنا لاننا كنا منافس قوى جدا

- مونستر يمكن معروف شويه انه جد .. معندوش هزار ف القوانين بالذات ويمكن كلنا كده بس اللى الناس شايفاه انك اكتر واحد مبتهزرش كتير .... ايه اللى ممكن يخليك تقول الشخص ده يتبند بان نهائى لا نقاش فيه ؟

هههههههه اطلاقا يانيو انت لو شوفتنى شخصيا هتلاقينى شخص مرح جدا .. بس الادارة ليها ظروف اخرى لانك لازم تكون شديد فى تعاملك مع قوانين التراكر حتى يلتزم الاعضاء بها .. وانا منذ ان اصبحت ادارى فى تراكر عرب تورنت لم ابند احد دون سبب او لكى ارضى مصالح شخصية .. وفية ناس اخرى شايفة غير كدة ودية وجهة نظرهم لان كل شخص شايف نفسوا فى الطرف المظلوم

- ايه رأيك ف الشيتر ... ( الغش والغشاشين ) .. رأيك كمستخدم تورنت عادى .. ورأيك كادارى ؟

رأى كمستخدم تورنت عادى: احب اقولهم عيب اللى انتم بتعملوا دة لان دة نصب ومش بيجيب نتيجة

ورأى كادارى: اقولهم اعملوا اللى انتم عايزينوا دة اختياركم لان فى الاخر السيستم هيقبض عليك ويعملك بان على عضويتك

- وايه الرساله اللى ممكن توجهها للشخص اللى بيغش ؟

سهل انك تعمل ابلود ورايشوا وتحافظ على عضويتك بمجهودك وتساعد غيرك فى التحميل .. اما صعب عليك انك تفقد عضويتك وتندم على افعالك

- كان ف حوارى مع مافيا الضيف اللى قبلك عن ثقافه التورنت عند العرب عموما ... ووصلنا ان فعلا لغايه دلوقتى اغلب العرب بيعانو من ضعف المامهم بحاجه اسمها مشاركه او ازاى نساعد بعض او نحب مساعده بعض .. انت ايه رأيك ؟

كلام مافيا صحيح .. لان العرب ينظرون للتورنت بملفات يردون تحميلها لتحقيق رغبتهم فى ذلك ثم بعد تحميلها لا يهمة اى شىء على الاطلاق
لكن لم يتذكروا ان الهدف من التورنت هو مساعدة اخوك العربى فى تبادل الملفات والفضل كلوا يرجع لك لانك جعلته يحمل منك .. واتمنى ان تتغير وجهه نظرهم ويتذكرون هدف التورنت الحقيقى

- مونستر معروف عنك انك بتحب جدا دبلجه الكارتون :d .... هل شايف ف عرب تورنت ان فيه حد ممكن ينافسك ف حوار الدبلجه ؟ ولا لسه مظهرش ؟

ههههههه فعلا انا بحب دبلجة الكارتون وبالذات الدبلجة المصرية لانها سهلة وتحب سماعها .. والدبلجة شىء سهل جدا تعلمتها من احدى المنتديات العربية المشهورة .. اما الان انا ارى ان المنافسين كتير جدا خصوصا فى مجال دبلجة الافلام البلو راى لان جودتها اعلى وبقت مطلوبة من الجميع .. والنسخ الـDVDRip ليس لها قيمة حاليا مثل سابقا

- تراكر عرب تورنت .. كان الاول اورج .Org .. وبعدين بقى .Net ايه اللى حصل خلى الدومين يتغير .. خصوصا ان التراكر اتقفل فتره مش قليله ؟ ( ده لو ينفع تقول يعنى ) ؟

التراكر كان به اكثر من شريك واحد من الشركاء الله يسمحوا بدون ذكر اسماء كان مجدد الاستضافة والدومين عن طريق الباى بال وكان معه البيانات دائما لانه كان المسئول عن ذلك لان الباى بال كان غير معترف بمصر وعند التجديد اختفى ذلك الشخص ولم نشاهدو بعدها وقفل التراكر وتم الغاء الدومين .. وذلك اثر علينا كثيرا واستقيل عدد كبير من الادارة والابلودر بسبب ذلك

- طبعا زى ما قولت ف المقدمه انه ف الاواخر اتراجع كتير عن مكانته وكانت حاجه ملحوظه .. تفتكر ايه الى ناقص عرب تورنت عشان يرجع يبقى فعلا عرب تورنت اللى الناس كلها عارفاه ؟

كلامك صحيح التراكر فى تراجع جامد ودة بسبب خلل فى تيم التراكر.. اللى ناقص عرب تورنت هو النظام و استف وابلودر قوى بيحبوا التراكر من قلبهم بجد

اتمنى اكون وفيت فى الاجابة على الاسئلة

وشكر خاص لدعوات العرب

[Neo]

- افهم من كده ان عرب تورنت ف طريقهم لدخول اشخاص جداد للاستف ؟

- اتقال قبل كده ان ياسر بيعتمد عليك .. او معتبرك انت زيك زيه .. بخلاف باقى الاستف .. من وجهه نظرك انت بقى .. عرب تورنت هل شايف انه ف بدايه سنه جديده هيكون اقوى ؟ ولا لسه ؟

- سألتك قبل كده ايه اللى يخليك تقول الشخص ده هياخد بان بلا رجعه او بان بدون نقاش ومردتش ؟

- كتير من الناس بيقولو ان عرب تورنت ف الفتره الاخيره الاستف فيه اتغير ... هل انت شايف فيه تغيير ف الاستف ومعاملته مع اليوزر ؟

- يومك ف عرب تورنت بيبقى ازاى ؟

- ايه الحاجه اللى لو حصلت .. مونستر يقول لا دى حلها مش عندى ؟

[Kaito Kid]

منور يا جميل انت واداره عرب تورنت كلها وانت لايا نيو انت كل شويه بقى هنا وهناك
اما بالنسبه لمحمود فانت منورنا يا جميل
فعايز اعرف ايه رايك فى مستخدم التورنت العربى ؟

[Monster]

- افهم من كده ان عرب تورنت ف طريقهم لدخول اشخاص جداد للاستف ؟

هناك بعد التشاورات وان شاء الله فى بداية السنة الجديد ستشاهدون مفاجات

- اتقال قبل كده ان ياسر بيعتمد عليك .. او معتبرك انت زيك زيه .. بخلاف باقى الاستف .. من وجهه نظرك انت بقى .. عرب تورنت هل شايف انه ف بدايه سنه جديده هيكون اقوى ؟ ولا لسه ؟

ان شاء الله هيكون اقوى .. وهناك بعض الافكار والمشاريع الجديدة التى سنظرحها فى بداية السنة الجديدة

- سألتك قبل كده ايه اللى يخليك تقول الشخص ده هياخد بان بلا رجعه او بان بدون نقاش ومردتش ؟

العضو الذى ينقل ملفات من التراكات الاخرى والذى يسب التراكر

- كتير من الناس بيقولو ان عرب تورنت ف الفتره الاخيره الاستف فيه اتغير ... هل انت شايف فيه تغيير ف الاستف ومعاملته مع اليوزر ؟

لم يتغير ابدا ومازلنا معروفين بالمعاملة الطيبة مع الاعضاء

- يومك ف عرب تورنت بيبقى ازاى ؟

مراجعة ملفات التورنت المرفوعة ومراجعة رسائل الاعضاء ومراجعة بعض الصفح فى لوحة التحكم

- ايه الحاجه اللى لو حصلت .. مونستر يقول لا دى حلها مش عندى ؟

فية مشاكل بتحصل ودية فعلا حلها مش عندى وحلها بيكون عند مالك التراكر .. ولا داعى لذكر هذه المشاكل

اتمنى اكون وفيت فى الاجابة

[Monster]

دة نورك يا Kaito Kid وشكرا على زوؤق

فعايز اعرف ايه رايك فى مستخدم التورنت العربى ؟

دة سؤال جميل جدا واحب ان اعلق علية .. مستخدمى التورنت عبارة عن قسمين .. قسم يبحث عن الملفات النادرة والنسخ الاصلية العالية الجودة ليستمتع بمشاهدتها .. وقسم يتكون من مشرفين واصحاب منتديات ليس عندهم ضمير لانهم يحملون مايحلوا لهم من التراكات وينقلوا للمنتديات دون شكر للرافع او للتراكر الذى حملوا منه

[Neo]

- اكيد لا داعى لذكر تلك المشاكل انا كده كده عارفها مش عايز اعرفها :p

- طيب نيجى لاخر فقره عشان اسيب مجال برضو للناس يسألوك ف اى حاجه
دلوقتى احنا بنودع 2011 بكل ما فيها .. سواء وحش او حلو بكل اللى حصل ... ايه الايجابيات اللى حصلت ف عرب تورنت ف 2011 وناويين تدعموها اكتر ؟
- ايه السلبيات اللى حصلت برضو ف 2011 وف السنه الجديده ناويين تتجنبوها ؟

- اكتر حاجه حصلت ف عرب تورنت ف 2011 كرهتك ف نفسك ؟

- وايه اكتر حاجه حصلت اديتك امل ف ان 2012 هتبقى خير ؟

- واخيرا ايه اخبار عرب تورنت ف 2012 من مشاريع او خطط ناويين تمشو عليها ؟

بكده اكون انا نهيت اسألتى معاك يا محمود ... واسيب النقاش للناس معاك
ومش هفكركو ان اى حد عنده اى انتقاد او اى اسئله يوجهها ولكن ف حدود النقد البناء .. وعدم التجاوز

[Monster]

- طيب نيجى لاخر فقره عشان اسيب مجال برضو للناس يسألوك ف اى حاجه
دلوقتى احنا بنودع 2011 بكل ما فيها .. سواء وحش او حلو بكل اللى حصل ... ايه الايجابيات اللى حصلت ف عرب تورنت ف 2011 وناويين تدعموها اكتر ؟
- ايه السلبيات اللى حصلت برضو ف 2011 وف السنه الجديده ناويين تتجنبوها ؟

الايجابيات اللى ناويين ندعمها اكتر هى المسلسلات العربية والافلام الاجنبية المدبلجة
والسلبيات اللى ناويين نتجنبها هى المشاكل التى تخسر مكانة التراكر

- اكتر حاجه حصلت ف عرب تورنت ف 2011 كرهتك ف نفسك ؟

عدم الاهتمام ببعض الافكار التى كنت اطرحها للتراكر

- وايه اكتر حاجه حصلت اديتك امل ف ان 2012 هتبقى خير ؟

مشروع رمضان رغم انه كان ادائه متوسط بسبب قلة الابلودر لكن كان مجهود جماعى رائع استمتعت به جدا

- واخيرا ايه اخبار عرب تورنت ف 2012 من مشاريع او خطط ناويين تمشو عليها ؟

ان شاء الله فيه مشاريع وخطط كتير لا اريد ان اقولها الان ولكن ان شاء الله سوف تروها قريبا

شكرا استضافتك ليا يانيو وشكرا لدعوات العرب

منتظر اسئلة الاعضاء

[Tracker]

مفاجأة جميلة من نيو واستقبال رائع ... بشكرك يا مونستر على استجابتك واعطاء الفرصة للادارة والاعضاء لمناقشتك


انا هخش في الموضوع على طول ..... التراكرات العربية بشكل عام تراكرات مستواها هو اقل مستوى في العالم .... والكلام ده كلامي وكلام ناس مش عرب (مش يهمهم المحتوى بس من حيث السرعة والنشاط وووو.. الخ) وبالتالي انا هتكلم في نقاط ياريت تقدر تفسرها لينا وحلول ممكن تبصلها و يمكن تستجيب ليها وساعتها هيكون التراكر افضل


اولا النقط السلبية وعيوب التراكر .... انا كمستخدم اول ما ادخل التراكر ومع استمراري معاه لمدة طويلة شفت التالي:

1- اكبر عدد للسيدرز على ملف تورنت هو 26 !!!!!!!!!!!!!!!
2- كل الميديا صراحة اللي بجيبها من عرب تورنت بلا استثناء مكتوب على الملف وملزوق عليه اسم الرافع او اسم التراكر !!!!!!!!!
3- صفحة ولا صفحتين الي عليهم سيدرز اكتر من وباقي الـ60 صفحة كلهم 2 سيدرز واقل طبعا والتورنتات الميتة كتير !!!!
4- الجودة والتنظيم والبري تايم طبعا لا يتفوق على باقي التراكرات العربية بدون ذكر اسمائها

نقطة نقطة ....

1- عدد السيدرز اظن يعني مقارنة بتراكرات عربية واجنبية ده ميجيش حاجة وانا طمعان اننا نبقى افضل من التراكرات الاجنبية يعني العدد ده رقم قياسي في فشل السيد وهقول شوية حلول كويسة ان شاء الله
2- الميديا بقى ودي حاجة غيظاني وغايظة ناس كتير اوي في عالم التراكرات ... حضرتك اكيد والابلودرز عارفين انك بتحط حقوقك على الفيلم في خصائصه وبياناته بس ملهاش لازمة اللزقة اللي بتبقى على الفيلم يعني !!!! لما فريق انكود اجنبي زي CHD ينزل فيلم مش بيلزق اسمه يعني وفي نفس الوقت بيتنقل في كل تراكرات العالم بنفس اسمه لان كده كده في خصائص الملف حقوقه موجودة ويمكن مش موجودة بس مش ممكن تتسرق الكل عارف المصدر منين يبقى ايه لازمتها انا اتفرج على فيلم بالجودة التعبانة (وكلنا عارفين ان الافلام العربي مش بينزل منها غير DVD وبيبقى تعبان بسبب التصوير) وكمان ملزوق عليه اسم موقع يعني مفيش نقاء من اي ناحية ؟؟؟ انا ممكن اجيب الفيلم من منتديات دايركت زي my**y ولا كمان من d*d4a**b مثلا صح ولا ايه ؟؟

وكمان ايه موضوع التسريب اللي كل شوية التراكرات العربية يطلعوا بيه ؟؟؟ ايه اللي هيحصل يعني لما اخد فيلم من عرب تورنت مثلا واحطه في تراكر تاني بس في اخر الفيلم مكتوب اسم الرافع او فريق الانكود زي باقية العالم والخلق ما بتعمل ولا مكتوب علينا نتشتت من كل حتة ؟؟

حضرتك لو في بري تايم محترم وجودة محترمة ومبدأ التورنت الصح في توفير كل حاجة كاملة ومجانا للمستخدم صدقني عرب تورنت هيبقى من افضل التراكرات العربية ولو اتضافت مرفوعات انجليزي هيبقى افضل التراكرات العالمية ... اظن كلنا عارفين التراكرات الهنجارية والفرنسية اللي شغالين في حاجات شبيهة بالمواضيع دي حتى الروسية ومع ذلك متقدمين على التراكرات العالمية بمراحل !!!!! مش مستاهلة لازقة اسم التراكر على الفيلم يعني المصدر هيتعرف هيتعرف ماهو مش عدد هين اللي مسجل على كل التراكرات وكلهم عارفين ايه اللي نزل الفيلم الاول !!

3- التورنتات الميتة هنشوف حكايتها دلوقتي وحلولها

4- واظن مفيش خلاف على النقطة دي والا كان عرب تورنت التراكر الاول في العالم العربي


مش هتكلم عن النشاط والايرك والكلام ده لان هدفي من النقاش تطوير المحتوى وبناء عليها الباقي كله هيتظبط



الحلول بقا: هتكلم عن قوانين خاصة للاعضاء وبعدين الابلودر والستف

1- قوانين صارمة ومتبعة بسكربتات للرشيو لازم الرشيو يكون دائما له قيمة معينة اكبر منها عاوز تخليها 1 او 0.8 او اي رقم المهم حاجة ثابتة اللي يقل عنها اسبوعين ويخلع واظن النظام ده متبع بس المشكلة في اللي لسه جاي
2- ازالة نظام البونص او تصعيبه جدا جدا جدا مما يؤدي للسيد الاجباري
3- الدعوات واغلاقها تماما والتسجيل يكون بابلكيشن عشان اللي يغش او تبادل او غيره تكونوا عارفين بروفايلاته في المواقع التانية ويتنفخ
4- الدعوات برده تكون مثلا دعوة مع كل ترقية لرتبة اعلى مش اكتر من كده عشان تستخدم صح وبعدين الدعوات تكون بالطلب وعلى حسب نشاط كل عضو (يكون في موضوع في المنتدى خاص بطلب الدعوات) ولو وافق العضو الشروط الخاصة تديله دعوة ويتاح له طلب دعوة كل شهر.
5- كل اللي فات ده ملوش اي لازمة من غير ابلود صح وبري تايم متميز وسرعة كويسة للابلود وحاجات نادرة يعني دورت على مسرحية تخاريف مؤخرا مش موجودة غير في تراكر واحد عربي !!!!!!!! المحتويات القديمة دي مهمة جدا وكل ماتكون نادرة تكون افضل وبدون لزق اي حقوق على صورة الفيلم الحقول تكون في مكانها ومتمنعوش الرفع في تراكرات تانية ولكن يكون الرفع بذكر اسم الفرق الرافع مثلا Tito.2004.DVDRip-ArabTorrents ولو حد غير في الاسم فحقوق الملف والـDetails بتاعته فيها اسم الفريق الرافع برده والمصدر
6- الاهتمام بالمرفوعات الاجنبية والتعليمية ودي هتبقى نقطة تميز لان تقريبا مش موجودة في اي تراكر عربي تاني خصوصا الانمي المدبلج ووو ... الخ
7- السكرين شوت يتوحد عدده يعني مثلا لكل فيلم يترفع تلات صور مش اكتر في صفحة التورنت وتكون في قوانين صارمة على ارفاق سكرين شوت لجودة الفيلم في وصف الفيلم مش اكتر ولا اقل وتبقى صورة كاملة فردية للجودة مش عشرين صورة في صورة واحدة وكلهم صغيرين اشوفهم ازاي وعنيا باظت ؟؟؟
8- ارفاق sample مع الفيلم (احنا قربنا ننسى ان في حاجة اسمها sample عمري ماشفته مع ملف عربي) عشان الناس تنزله لوحده وتشوف الجودة
9- لو كل النظام ده اتطبق فالهيت اند رن ملوش لازمة لان هيكون في سيد اجباري عشان الناس تحافظ عن الرشيو وكمان يعملوا ابلود واكبر مثال على كده التورنت ليش وكلنا عارفين ناجح قد ايه !!
10- ممكن كمان يبقى الباكات زي المسلسلات الكاملة مثلا فري ليش وكله هيتم بتنزيلها والسيد عشان يجيب نقط وكمان يظبط الرشيو يعني مكسبين في واحد



السؤال الاكبر في كل ده ان ليه كل ده مش متطبق ؟؟؟ نظام النقط سهل والدعوات سهلة واهم حاجة الابلود بعيوبه اللي قلتها يعني كان زمان دلوقتي عرب تورنت واخد قمة التميز في التراكرات كلها العالمية قبل العربية كمان !!!!!


واتمنى ميكونش في اي زعل من الكلام ده فانا مقصدش النقد الهدام ولكن البناء فقط لان تقريبا افشل تراكرات في العالم التراكرات العربية رغم ان في كل الامكانيات المتوفرة زي الاجنبية من سيد بوكس وووو ... الخ غير ان سكربت TS اصلا قوي واحنا تقريبا شوهنا سمعته

تحياتي

[Monster]

كل كلمة كتبتها فى المشاركة صحيحة وانا احيك عليها سواء كانت فى اظهار العيوب والمشاكل وحلولك لها

لكن تعالى نتحدث فى كل نقطة

اولا: بالنسبة لعدد السيدر

فهذه مشكلة الاعضاء لان المستخدم العربى زى ما كلنا عارفين اول لما يحمل الملف بيهرب من السيد وفية اعضاء اخرى بتعمل سيد لمدة يوم او اثنين ثم تهرب فطبيعى ترى عدد السيد فى بعض الملفات لا تزيد عن 5 سيدر لان معظمها من السيرفرات والسيد بوكس الخاصة بالتراكر

ثانيا: مشكلة الكتابة على الميديا

يااخى الفاضل انت تعلم ان جميع مشرفين واصحاب المنتديات ينقلون الفيلم دون ذكر شكر للرافع او للتراكر ولو وضعنا ملف تيكست فى الفولدر لحفظ الحقوق يحذفوا .. فابالله عليك هل تريد ان تضيع مجهود الابلودر اللى تعب وسجل وحول ورفع ومجهود التراكر اللى اتحمل منه الملف .. هل هذا يرضى احد .. المشكلة دية عند كل التراكات وليس نحن فقط

ثالثا: مشكلة الجودة

دية مش مشكلة الابلودر كلهم لان فية بعض منهم يصنع جودة عالية جدا وفية منهم يصنع جودة متوسطة وذلك لسوء فهمة للحجم المناسب للميديا او استخدامة برامج غير صالحة لصنع لميديا عالية الجودة

جميع الحلول التى ذكرتها فى مشاركتك رائعة جدا ومعظمها موجودة من ضمن خطة التراكر فى 2012

لك جزيل الشكر على نقضك المفيد وسوف تتم فى الاعتبار

واى عضو اخر يريد ان يقدم نصائح اخرى للتراكر فاأنا فى انتظارو