ميزو .. ضيف شرف ( عربتس ) .. فى دعوات العرب

[Neo]

السلام عليكم ورحمه الله

عدنا من جديد مع ضيف شرف دعوات العرب

قبل بدايه السنه ابتدينا السلسله دى مع سيسوب التراكرات العربيه

كانت البدايه مع العملاق شيرنج كود - مرورا بعرب تورنت وعرب فيلمز وتونسيا جيت - واختتمنا نهايه 2011 بسيتى تورنت

ومع نهايه اول شهور 2012 ..... ومع عوده السلسله من جديد

اهلا بيكم معانا ف حلقه جديده من ضيف شرف دعوات العرب

معانا النهارده ضيفنا.... فوندر ....ولقبه هناك Just-AdMin !

التراكر اللى معانا النهارده ..تقريبا احدث تراكر ف اللى استضفناهم ... ابتدى فى اواخر 2010 تحديدا شهر 12

تراكر عام .. قدر يثبت نفسه ف فتره قليله جدا وسط تراكرات كبيره

واهم ما ميزه هو البرى تايم فى رمضان 2011 ...

يسعدنى النهارده يكون معانا احمد او ميزو .... احد ملاك ( عربيه هى :p ) ..... عربتس

مبدأيا منور يا ميزو وزى ما اتعودنا عشان الناس تبقى عارفه مين اللى معانا ..

- اسمك وسنك وبتدرس ايه ومنين ؟

- اللى اعرفه ان عربتس قبل ما يبقى .US كان .Org ؟؟ .. ايه السبب ف تغيير الدومين ؟

- جاتلكو منين فكره فتح تراكر ... وكان ساعتها ايه شعورك هل حاطط ف دماغك انه يبقى وينجح لسنين ولا مجرد يومين وخلاص ؟

طبعا للحديث بقيه ... مستنى اجابتك عشان نكمل:)

ياريت محدش م اليوزر يرد دلوقتى

[MizO-Arabits]

انا احمد 21 سنه من السنطه في كليه تجارة سنه 3

السببب في تغيير الدومين ان كان عربتس القديم اتقفل بدون اسباب صاحبه قفله وجم جميع اعضاء عربتس اللي اتقفل ففتحنا موقع وبعدين غيرنا الاسم لعربتس دوت اس واشتغل الموقع

فا جا صاحب عربتس القديم حول الدومين لينا عن طريق هوبا وبقي كله موقع واحد

انا بصراحه في الاول مفكرتش انى افتح تراكر انا كنت متعرف علي رامي وكان هو فتح التراكر وقالي تبقي معايا وكدا قلتله ماشي اداني ميل احمد حسن اللي كان شريكنا التالت وقالي كلمه وكلمته واداني سيرفر واشتغلت وتمام

كل دا قبل منبقي عربتس الجديد ايام مااكان اسممه عرب تورنت وبعدين بقيت مود ورامي واحمد قالولي هتبقي معانا اما لاقوني شايف شغلي وتمام وجا هوبا وبقينا احنا الاربعه

وطبعا فيه ناس كتير جات وبقينا معانا ابلودرز كلهم مميزين وعشانهم تبقي الموقع كبر وانا كنت داخل الموقع وهو كان صفر وكان فيه ايام مش بنام فيها انا وتوكسيك ورامي والابلودرز لحد ما كبرنا الموقع وبس

[Neo]

طيب مبدأيا انا حابب اعرف حاجه
- ايه حكايه عرب تورنت مع العلم .. عرب تورنت ده المفروض اسم تراكر تانى من 2006 يعنى مش دومين فاضى ف 2010 ؟
- ميزو ... لغايه دلوقتى فيه ناس فاكراك ميزو معتز ... حصلت مشاكل قبل كده بسبب الموضوع ده ؟
- عربتس ... كان اقوى فى رمضان .. او الناس لاحظته اكتر فى رمضان تفتكر ايه السبب ؟
- ايهما تفضل وليه .. تنزل ملف ف برى تايم جامد قبل اى تراكر بغض النظر عن الجوده ام ممكن تتنازل ع البرى تايم لكن الجوده تبقى عاليه ؟

[MizO-Arabits]

اول سؤال انا مجاوب عنه انا قلتلك جيت لاقيته كدا وغيرنا الاسم عشان التراكر التانى
تانى حاجه يانيو في عرب تورنت كان اسمي MiZo قبل معتز علي فكرة وخليت مونستر مسحها ايام المشاكل اللي كانت بيني وبين احمد 1975 يعني انا قبله هنا وهنا
عربتس كان اقوي لان الناس عرفته بسرعه وكان فيه ابلودرز جبارين يعني مشاء الله عليهم فقدرو يثبتو داا
لا بري تيم وجوده متوسطه بس حاجه احب اقلك عليها كل ابلودر كان بيحمل اللي بيرحه احنا مش بنتكلم ف الموضوع دا ينزل حاجته تانى يوم براحته بس هما اللي كانو بيرفعو بسرعه وبجوده كويسه لان هم متمكنين :D

فا طبعا ثقه ان هما اد المسؤليه

[Neo]

بعيدا عن التنشنه اللى حصلت اللى مفهمتش سببها .. انا بتكلم عادى يعنى ادينا بندردش
- ايه رأيك يا احمد ف طريقه تعامل التراكرات العربى مع بعض ؟
- هل ممكن المستخدمين العرب عموما والتراكرات العربيه بالاخص ف يوم م الايام يبقى فيه تعاون بينها وبين بعض ؟

[MizO-Arabits]

وانا كمان بتكلم عادي :d

طريقه التعامل بين التراكرات بتبقي عن طريق الادارة لو ادارة محترمه يبقي اكيد هتتعامل معاهم غير كدا يبقي اكيد لاا

فيه تعامل فعلا بين التراكرات وبعضها انا تعاملي مع عرب فيلمز ومع الادارة كلها واغلب الاعضاء هناك والموضوع تماام

[Kaito Kid]

طيب اولا انت منور جدا هنا انت وموقع عربتس الجميل يا ابو حميد
وثانيا الى الان كل الى استضفناهم من ادارات التركرات العربيه كلهم بصراحه محترمين
ليه ما فيش تعاون وكلو بيستنى للتانى على غلطه ؟

[MizO-Arabits]

ربنا يخليك يباشا دا نورك والله
انا عمري مستنيت لحد علي غلطه لاننا ف حالنا يعني ملناش دعوة بحد

فيه ناس كدا عايشه للأذيه بس وكل واحد وحسب شخصيته يمعلم

[Neo]

تمام ..

- ميزو اتقال عنكم كلام كتير .. يمكن من التوبيك ده نقدر نفهم او انا شخصيا افهم اللى بيتقال ... اتكتب مره توبيك ف احد المواقع المشهوره وبعض المواقع الاخرى عن انكو نصبتو على حد ؟

- بعيدا عن عرب فيلمز .. انت شايف التراكرات العربيه كلها تنحصر ف فيلمز بس ؟

- قولت قبل كده انكم بترفعو الحاجه مش مهم الجوده تكون عاليه اوى بس تنزلوها اول ناس .. مش شايف ان ناس كتير اوى مبقتش بتبص للحجم اوى او للوقت قد ما بتبص للجوده انها تتفرج على حاجه نضيفه ؟

- يقال انكم بتتعاملو مع اليوزر معاملتكو وحشه .. بمعنى بتحبو تسيطرو ع الناس الى عندكو وبس طظ ف اى حاجه المهم ده يبقى بتاعى انا وخلاص ؟ ايه رأيك ف الكلام ده ؟

- ميزو كادارى ف تراكر .. شايف ايه المعوقات اللى بتقف ف وش اى مستخدم عربى للتورنت .. من وجهه نظرك ممكن تبقى سبب ف انه يجيله احباط وميكملش ؟

- اكتر موقف حصلك من يوزر خلاك تكره نفسك كادارى وتقول انا كان مالى ومال وجع الدماغ ده ؟

وللحديث بقيه

[MizO-Arabits]

تمام ..

- ميزو اتقال عنكم كلام كتير .. يمكن من التوبيك ده نقدر نفهم او انا شخصيا افهم اللى بيتقال ... اتكتب مره توبيك ف احد المواقع المشهوره وبعض المواقع الاخرى عن انكو نصبتو على حد ؟
بص يمعلم انا عمري منصبت علي حد واسال اي حد اتعامل معايا يعني لو حد اخد مني سيرفر بعين فلوسه لحد ما السيرفر ينتهي عشان لو حصل حاجه برجعهاله واسال اي حد اتعامل انما الناس اللي بتكتب وبتقول دي زي مبيقولو القانون لا يحمي المغفلين وان كان اي حد ليه اي حاجه كان انا برجعهاله واحمد حسن بيرجعهاله والدنيا بتمشي مش بيصبر اننا نحل المشكله يبقي احنا كدا ف نظرة نصابين
- بعيدا عن عرب فيلمز .. انت شايف التراكرات العربيه كلها تنحصر ف فيلمز بس ؟
لانه اكبر موقع بالابلودرز بالفورم بالاعضاء بالادارة وهكذا
- قولت قبل كده انكم بترفعو الحاجه مش مهم الجوده تكون عاليه اوى بس تنزلوها اول ناس .. مش شايف ان ناس كتير اوى مبقتش بتبص للحجم اوى او للوقت قد ما بتبص للجوده انها تتفرج على حاجه نضيفه ؟
انا قلت انهم بينزلو بسرعه وبجوده حلوة وكل واحد حسب راحته انا مينفعش اقول لدا اعمل كذا او كدا لانه مش شغال عندي وهو ممكن يزعل فانا سايب كل واحد براحته وهو اكيد بيعمل كل اللي يقدر عليه
- يقال انكم بتتعاملو مع اليوزر معاملتكو وحشه .. بمعنى بتحبو تسيطرو ع الناس الى عندكو وبس طظ ف اى حاجه المهم ده يبقى بتاعى انا وخلاص ؟ ايه رأيك ف الكلام ده ؟
بص يامعلم السؤال دا يجاوبه اي عضو او حد من الناس انا مينفعش اجاوب
- ميزو كادارى ف تراكر .. شايف ايه المعوقات اللى بتقف ف وش اى مستخدم عربى للتورنت .. من وجهه نظرك ممكن تبقى سبب ف انه يجيله احباط وميكملش ؟
بص المعوقات اللي بتقف ف وش اى حد المستخدم العربي عمرة مبيعمل سييد مثلا زي الاجانب كدا الحاجه تبقي بقالها سنتين وتبقي بسرعه عاليه جدا جدا وتانى حاجه عدم الاحترم للابلودر وحفظ حقوقه من الناس اللي بتسرب وبصراحه اكتر حاجه تجيب احباط لما انت تبقي فاتح الموقع وتقول اهوة تسليه مش تكبر وتنمي وتخليه احسن موقع
- اكتر موقف حصلك من يوزر خلاك تكره نفسك كادارى وتقول انا كان مالى ومال وجع الدماغ ده ؟
اكتر موقف خلاني اكرة نفسي ان مثلا واحد يجي يقلك فك البان وميعرفش يعني ايه تورنت ولا سيد ولا ولا ولا واحد يجي يشتري سيرفر ومش عارف يعني ايه سيرفر مثلا وتيجي تقول لواحد اعمل شكر يقلك والادمن ممكن يوقفني لو كتبت اسم عربتس ف الموضوع مثلا :d
وللحديث بقيه