شرح كيفية تنزل لينكس على برنامج Virtual machine الجزء الثانى

[tigerman10]

حنكمل انهاردة ان شاء الله شرح اللينكس وحنبدا مع النسخة المحببة الى قلبى وهى الابنتو


نعرف بعض المعلومات عنها
حاليا من اشهر توزيعات لينوكس لتميزها بالعديد من المميزات التى تجعلها ubuntu تعد توزيعة اوبونتو
توزيعة اكثر من رائعة يمكنك تنزيلها مجانا من الموقع الرسمى للتوزيعة او طلبها من الموقع الرسمى
وسوف يقوم بارسالها اليك مجانا كما ان لك الحرية فى نسخها او اهدائها او بيعها اذا اردت بالضافة
الى دعمها الجيد للغة العربية وصغر حجمها مع احتوائها على الكثير من البرامج القوية التى تاتى مع
مما يمكنك من تجربتها بدون الحاجة live CD التوزيعة بصفة افتراضية بالضافة لمكانية تشغيلها ك
الى تنصيبها واذا اعجبتك ستجد ان تنصيبها على جهازك من اسهل العمليات وبواجهةرسومية رائعة
وايضا دعم العتاد والجهزة و الملحقات فى اوبونتو كبير جدا كما ان الشركات العالمية الن بدات فى
التوجه الى دعم المصادرالمفتوحة وتركيب توزيعة ابونتو على اجهزتها بصورة افتراضية بدل من انظمة
ويندوز والتى بدات تخسر اسواقها ايضا يوفر الموقع الرسمى للتوزيعة كل البرامج التى يحتاجها
المستخدمون فى شتى المجالت مجانا وبدون اى تكاليف تحت اى مسمى ايضا وبذلك يوفر عليك
المال والبحث فى المنتديات عن البرامج التى تحتاجها والتى غالبا ما تكون غير مجانية و بحاجة الى
الكراكات والباتشات المليئة بالفيروسات, ان فلسفة المصادر المفتوحة التى يتبعها توزيعة ابونتو جعلت
من برامجها ندا قويا لبرامج الشركات التجارية التى تعانى حاليا من شدة منافسة المصادر المفتوحة
لها بالضافة سهولة تركيب وحذف البرامج فيها اسهل من الويندوز نفسه وتوفر توزيعة ابونتو ايضا
لمستخدميها خدمة الدعم لفترات طويلة تكون احيانا 3 سنوات فى بعض الصدرات وفى احيانا اخرى
تصل هذه الفترة الى 5 سنوات , مع توزيعة ابونتو سيكون جهازك فى يد امينة من اى فيروسات
او اختراقات او طرق التجسس الخبيثة ذلك لن مبرمجى هذه التوزيعة قد اعطوا للمن اهمية قصوى
لذلك فانت مع ابونتو لن تحتاج الى برامج حماية ال لمزيد من الطمئنان بعكس نظام الويندوز الذى لن
تستطيع فيه استخدام جهازك او تصفح النترنت ال بمنظومة حماية متكاملة انتى فايروس فايروول
انتى سباى وير انتى سبام انتى تروجان وعلى الرغم من هذا لن تصل الى حماية 100 % تاتى
توزيعة اوبونتو اليك بواجهة سطح مكتب خرافية فى الشكل افضل من انظمة الويندوز والماك ايضا
تتوفر حاليا العديد من التوزيعات التى تبنى على توزيعة ابونتو لتناسب كافة الذواق









اشتقاقات اوبونتو

توزيعة اوبونتو متوفرة فى عدة اصدارات
عندما نقول اوبونتو فقط فنحن نقصد هنا التوزيعة الساسية وهى توزيعة اوبونتو بواجهة : ubuntu -1
وهى واجهة سهلة وبسيطة . GNOME هى الجنوم desktop environment
وهى واجهة KDE هى عبارة عن نفس توزيعة اوبونتو لكن لها واجهة سطح المكتب : Kubuntu -2
وتعطيك سطح مكتب اكثر جمال . GNOME اكثر تعقيدا من الواجهة
وهذه الواجهة XFC هى عبارة عن نفس توزيعة اوبونتو لكن لها واجهة سطح المكتب : Xubuntu -3
مخصصة للجهزة قليلة القدرات وهذه الواجهة ذات كفأة وسرعة عالية .
وهى GNOME هى الجنوم desktop environment وهى توزيعة اوبونتو بواجهة : Edubuntu-4
واجهة سهلة وبسيطة وهذه التوزيعة تم تخصيصها للبيئة المدرسية لحتوائها على
برامج والعاب تعليمية







نبدا على بركة الله تعالى






طيب دلوقتى الادوات المطلوبة علشان انزل اللينكس؟
اولا : انا حستعمل برنامج الفيرجوال ماشين علشان انا مش عاوز انزلة على المكنة الاساسية ، مع انة عادى انك تنزلة على المكنة الاساسية عادى بس حتتعب شوية فى التعريفات واحنا حاليا معندناش وقت فؤقتا حستعين ببرنامج الفيرجوال ماشين
ثانيا : نسخة لينكس ، اى نسخة حقولك اى نسخة براحتك بس خد بالك كل نسخة وليها اوامر تسطيبها فعلشان كدة انا حتعامل هنا مع نسخة اسمها Ubuntu ودة رابط التحميل بتاعها من الموقع
Download | Ubuntu
طيب انتا حتنزل طبعا النسخة المتوفرة حاليا افرض ودة اكيد انك ساعة ما حتشوف الشرح بتاعنا حتلاقى نسخة غير اللى انا شارح عليها ؟


عادى جدا ودة وارد واكيد لانهم بيحدثوا كل شوية فية علشان يزودوا تعريفات برامج وغيرها فعلشان كدة نزل النسخة الحديثة وكن واثق انها حتنفذ معاك كل الاوامر عادى خالص وان حدث اختلاف حيكون فى امر واحد او اتنين مش كلهم واعتقد سهل عليك انك تيجيبهم بالبحث مش صعب لكن المهم انك حتفهم المبدا
طيب دول كدة الادوات بتاعتنا اللى حنحتجها نبدا على بركة الله



اولا : التسطيب

بعد ما حفتح برنامج الفيرجوال ماشين واعمل مكنة وطبعا احنا عارفين ازاى ولكن وعلشان التكرار بيعلم الشطار حنشرح تانى علشان خاطركم انتم بس
1- نفتح مع بعض الفيرجوال ماشين








طبعا انا اخترت كاستم علشان اعرف اعدل على اعدادات المكنة الوهيمة دى براحتى اعدل فى الرامات او البروسيسور براحتى بقى





2- هنا بيقولى ان الفيرجن دة حيشغل اى مكنة ؟ على فيرجن قديم لاننا طبعا عارفين ان الحديث بيشغل اى مكنة قديمة وطبعا احنا برضو عارفين ان الاعدادت الكستم بتسمحلى انى ممكن استخدم مكنة كنت مجهزها قبل كدة ودة عادى برضو









3- هنا بيقولى حتنزل الويندوز دلوقتى من قرص ديفيدى ؟ ولا عندك نسخة ايزو وتنزلها دلوقتى برضو ؟ ولا انتا حتنزلة بعدين ؟ انا اخترت حنزلة بعدين





4- هنا انا بختار نوع النسخة اللى حنزلها سواء كان ويندوز او لينكس او اى نظام اخر ..... طيب وحتقولى اية الفائدة ؟
الفائدة ان المكنة الوهيمة زى اى جهاز وبينزلة ويندوز لازم لة تعريفات للهارد وير بتاعتة صح كذلك المكنة الوهيمة مش هو بيحطلك من عندة كارت شبكة وصوت وشاشة وغيرها ولازم يسطبلها تعريفات مناسبة للنسخة اللى انتى حتنزلها ....
* لو مش مصدق جرب تختار اخر اختيار other واختار برضو فى الاصدار او الفيرجن other ونزل النسخة حتلاقى لا صوت ولا اى حاجة متعرفة
طيب طبعا فى الفيرجن بيطلعلك كل الاصدرات بتاعة اللينكس اللى هو متعرف عليها وغالبا بتكون كافية لكن وارد انك تحب تنزل نسخة وتلاقيها مش موجودة فى البرنامج معنى الكلام دة ان البرنامج مش كويس الله طيب اعمل اية ؟
لو افتكرت قاعدة بسيطة انا قولتهالك فوق ان ان اللينكس اوبن سورس ومش محدد باصدار معين يعنى وارد تلاقى كل يوم نسخة منة والبرنامج بتاعنا بيطلع كل سنة اصدار منة وانتا مثلا شغال على الاصدار السابع لو نزلت الاصدار الجديد من البرنامج حتلاقى ضاف الجديد فى النسخ الجديدة فى اللينكس لانهم بيحاولوا يضيفوا لحد اخر اصدار لكن بمجرد صدور البرنامج وفى نسخة من اللينكس ظهرت مش حتكون متوفرة عندك طبعا حتتوفر الاصدار التالى من البرنامج اللى هو حيبقى العام التالى ان شاء الله
انا طبعا اخترت اوبينتو وخد بالك فى اختيرين هنا اوبينتو بس ولا ابنتو 64 يعنى النسخة ال64..... انا طبعا حنزل الاصدار 32 يبقى اختار اوبنتو بس





طيب ندوس نيكست





5- هنا بيقولك عاوز تشغل كام كور فى البروسيسور؟؟ طبعا سيبهم الديفولت لاننا مش حنشرح امكانيات البرنامج دلوقتى لاننا سبق وشرحنها هنا ....اللى بيستخدمها المحترفين فى الماك والسيرفرات نيكست يلا







6- حلو قوى هنا بقى الراجل بيقولى الرامات بتاعة المكنة كام ؟
طبعا لو انتا معندكش خبرة بالنظام اللى انتا حتنزلة البرنامج بيساعدك جامد جدا لاحظ كدة البرنامج بيقولك النظام اقل حاجة علشان يشتغل عليها 256 وعلشان النظام يشتغل كويل وميهنجش منك وتحس بتقل فى الجهاز خليها 512 وفى الاخر بيقولك رامات جهازك الاصلى الفيزيكال كام تفتكروا لية؟
اها بالظبط علشان لو حبيت تزود انتا الرامات زى ما انا عملت وخليتها 1 جيجا براحتك البرنامج حيقولك يا مرحبا تمام نيكست يلا







7- هنا بيقولى عاوز اعدادات كارت الشبكة ازاى ؟
اعملها زى ما انا عملها بالظبط دلوقتى سبق وشرحنها برضو





8- هنا بيقولى عاوز البيوس بتاع البوردة يتكلم ازاى؟ سيبها زى ما هى الديفولت بتاعها نيكست كمان





9- هنا بيسالنى عاوز تكريت هارد جديد؟؟ ولا عندك هارد عاوز تضيفة ؟؟ولا حتستخدم هارد الاساسى اللى على الجهاز الاصلى؟؟؟ طبعا حختار اكريت هارد جديد نيكست





10- هنا بيقولى نوع الهارد تحب يكون هارد ide data يعنى داتا عادى ولا اسكازى scsi ، البرنامج طبعا بيختارلك الافضل حسب نظام التشغيل
لو نزلت ويندوز زى ما سبق وشرحنا حتلاقية بيختارلك ide .....
لكن هنا هو يفضل الاسكازى علشان اللينكس بيعتبر سيرفر وبيشتغل طوال اليوم ودى حتة شبكات ......بمعنى ان اللينكس هو السيرفر اللى بنبرمج علية وبنرفع علية الموقع بتاعنا .... صح..... وبنحفظ علية قواعد البيانات بتاعتنا وكل دة على هارد طبعا والهارد دة لازم يكون متقسم بتقسيم مختلف عن الويندوز... لية ؟؟علشان الداتا تقراء على السيرفر صح وميحصلش لا قدر الله اى خطاء فى المعلومات( تتمسح / يجيلها فيروس يدمر الموقع)
وعلشان كدة بيقولك اسكازى افضل دائما.... وكمان الاسكازى مش بيكون هارد واحد ابدا اوعى تفتكر كدة الاسكازى عبارة عن 10 هاردات او اكتر علشان لما هارد يقع التانى يقوم ويشتغل اتوماتيك وكمان لما انتا بتيجى تكب على الهارد يعنى ترفع موضوع او مقال على موقع الهارد الرئيسى اللى الراجل صاحب السيرفر محددلك مساحة علية انتا بترفع علية المقال بتاعك صح ....وتلاقى فى البانيل تحت كدة بيقولك باك اب ؟ يعنى اية يعنى تاخد باك اب من الموقع بتاعك على هارد تانى على نفس السيرفر برضو .... بحيث انة لو الهارد الرئيسى وقع التانى يقوم ويشتغل على طول ودة الهدف من السيرفرات يا جماعة


طيب نرجع مرجوعنا بقى





11- هنا بيقولى عاوز مساحة الهارد قد اية ؟ انا قولتلة مثلا 20 جيجا وبقولة احفظلى الهارد دة على جزء واحد مش اكتر من جزء ......بمعنى انة حيقسم الهاردة دة على 20 جزء مثلا لو انا اخترت ان كل جزء يبقى 1 جيجا ..... او على 10 اجزاء لو انا اخترت ان كل جزء يبقى 2 جيجا زى الاختيار الثالث والموضوع دة انا مش بحبزة لانك وارد انك ممكن تحتاج تدى الهارد دة لحد زميلك يكمل شغلك او يشتغل علية او تساعدة فى حاجة الاجزاء حتكون كتيرة وفى معلومات كتير حتقع فى النصف لية بقى؟
علشان انا مثلا كاتب مقال من 10 سطور المفروض ان ال10 سطور دول لو على هارد واحد حيكتبوا على مساحة واحدة وخلاص وبالتالى انتا لما تيجى تفتح الموقع بتاعك الصفحة حتكون اسرع فى الرد لانها مكان واحد اللى بتقراء منة لكن تخيل ان بتكتب نفس ال10 سطور دول على 20 هارد للانك مقسم الهارد 1 جيجا وهو فى الاخر شايفة هارد واحد .... بس انتا مقسمة .... حيضطر انة يقراء حبة من هنا وحبة من هنا وحبة من هنا وكدة الصفحة حتكون بطيئة جداا
عارف لو على ويندوز مش فارقة لانك كدة كدة بتقسم بارتيشن للويندوز والباقى لك داتا يعنى لكن هنا لا يحبز خالص ودة وجهة نظرى لك انت ان تختار
طيب نيكست يلا





12- هنا بيقولى عاوز تسمى الهارد اية ؟ اختارلة اى اسم مثلا وبيقولك عاوز تحفظة فين ؟ فى نفس ملف المكنة الوهيمة ولا مكان تانى انا بقولة سيبة باى ديفولت فى نفس الملف المكنة الوهيمة عادى نيكست





13- كدة تمام احنا خلصنا وحندوس فنش وكدة الاعدادات كلها تمام والحمد الله






طيب نروح على البرنامج ونقولة اتفضل مسار نسخة الابونتو علشان تنزل على المكنة الوهمية بقى

حندوس هنا





2- وبعدين اختار





3- من هنا حتختار مكان اللى انتا حافظ فية النسخة على جهازك سواء على الديسك توب او غيرة بقى وتدوس اوك وكدة يبقى احنا جاهزين لتنزيل الابونتو على جهازنا الحمد الله
4- طيب دوس استارت بقى وتوكل على الله
اتبع الاعدادات بتاعتك عادى خالص وتسهيلا لك عملنا فيديو بسيط يساعدك على التسطيب


طيب دة شكل اللينكس بعد ما نزل وطبعا كل فيرجن بيختلف عن اللى قبلة او اللى بعدة طبعا فى الشكل والديزين














مبروك عليك النسخة وان شاء الله شرح لبعض الاستخدمات عنها فى القريب ان شاء الله
ارجو ان اكون قد وفقت فى الشرح والى اللقاء فى شروحات اخرى



انا برضو علشان عيون عرب Invites سجلت عملية التسطيب فيديو دة الفيديو
linux video - YouTube

فى رعاية الله وامنه

لتحميل البرنامج virtual Machine
الجزء الاول
الجزء الثانى
الجزء الثالث
الجزء الرابع
الجزء الخامس
الجزء السادس
السيريال فى المرفقات يا رجالة

اى استفسار لا تترد فى مراسلتى

[Neo]

تمام يا تايجر